слова И.Сосина, мелодия П.Акимова.
Мүрү, Мүрү барахсан
Мүөттээх сыта дыргыйан,
Таала саһыл сыһыыта —
Саха сирин талыыта.
Күөлүн уҥуор кытыыта —
Харах ылбат ырааҕа.
Күнүм үөһэ тахсыыта
Дьирибиниир долгуна.
Хампа солко хомуһа —
Көччөх куһум уйата.
Мунду, собо балыга —
Уостан уолбат уйгута.
Сэлиэһинэй бурдуга
Ситэн, тупсан үүммүтүн,
Маннык үтүө дойдуга
Үөскээбитим күндүтүн.
Сайа охсор салгынын
Сүөгэй курдук испитим.
Ийэм бигиир тапталын
Итии тыынын билбитим.
Мүрү, Мүрү барахсан
Мүөттээх сыта дыргыйан,
Таала саһыл сыһыыта —
Саха сирин талыыта.
