Кэрэҕэ кынаттыыр «КЭНЧЭЭРИ»

Улуу Туймаада эбэ хотун дьоһун мааны олохтоохторо, ыалдьыттара, Уйгу сирэ Уус Алдан улууһуттан төрүттээх биир дойдулаахтарбыт!

Кулун тутар 4 күнүгэр Опера уонна Балет судаарыстыбаннай тыйаатырыгар, кэрэ ырыаларынан аар — саарга аатырбыт Уус Алдан улууһун народнай Хоровой, Үҥкүү кэллэктииптэрин, баянистарын, Саха Аркыастырын тыыннаах доҕуһуолларынан киэркэйэр, АРАССЫЫЙА норуотун айымньытын үтүөлээх кэллэктиибэ «КЭНЧЭЭРИ», ҮЙЭ аҥаардаах талыллыбыт айымньыларынан үбүлүөйүнэй «КЭРЭҔЭ КЫНАТТЫЫР КЭНЧЭЭРИ»  улахан кэнсиэргэ ыҥырабыт!!!

Үбүлүөйдээх тэрээһин буолар ТОСХОЛО:

16:00 –  “КЭНЧЭЭРИ СУЛУСТААХ СУОЛУНАН” киэҥ куйаары кытта ситимнээх хаартысканан быыстапка арыллыыта. Үтүө үгэһи утумнааччы талааннаах дьоннуун алтыһыы. Сылааһынан илгийэр КУЧУ чэйи иҥэринии.
18:00 –  “КЭРЭҔЭ КЫНАТТЫЫР КЭНЧЭЭРИ”  улахан КЭНСИЭР.

Кыттыыны ылаллар:

Саха Өрөспүүбүлүкэтин үтүөлээх артыыстара, Кэнчээри ансаамбыл выпускниктара:
Анатолий БУРНАШЕВ,  Варвара АМАНАТОВА, Анастасия ГОТОВЦЕВА, Лина АКИМОВА.
Кэрэ куоластаах Катя АЛЕКСЕЕВА, Петр КОЛОДЕЗНИКОВ, Андрей ПРОТОПОПОВ.

Семен Гаврильевич Васильев аатынан Найахы, Бороҕон народнай хордара,
Владимир Дионисьевич Лонгинов аатынан Тандатааҕы норуот айымньытын дьиэтин «Дьиэрэй» эр дьон народнай кэллэктиибэ,
«Далбар Хотун» вокальнай ансаамбыла.

«АЛААС КЫРГЫТТАРА», «МОЗАИКА» народнай ҮҤКҮҮ бөлөхтөрө.

Сергей Зверев-Кыыл Уола аатынан СӨ Национальнай Үҥкүү тыйаатырын норуот үстүрүмүөннэригэр аркыастыра, сүрүн дирижер РФ култууратын үтүөлээх үлэһитэ Николай Петров,
Уус Алдан улууһун бастыҥ БАЯНИСТАРА.

ТЭРИЙЭЭЧЧИЛЭР:
Уус Алдан улууһун администрацията
Уус Алдан улууһун култууратын управленията
«КЭНЧЭЭРИ» оҕо эстетическэй киинэ
«АЙАР КУТ» айар түмсүүтэ

КЭНСИЭРИ ИИЛЭЭН — САҔАЛААН ЫЫТЫАХТАРА:
Георгий БЕЛОУСОВ, Анастасия РЕБРОВА.

КЭНСИЭР ТЫАҺЫН-УУҺУН, УОТУН -КҮӨҺҮН ОҤОРООЧЧУ :
Леонид Иванов — Лүҥкүр
Филипп Христофоров
ЗВУК и СВЕТ хампаанньата

Бу сыл саамай улахан тэрээһинин «КЭРЭҔЭ КЫНАТТЫЫР КЭНЧЭЭРИ» кэнсиэри көтүппэккэ кэлэн көрүҥ, кэрэ эйгэҕэ кыттыһыҥ, сылаас ытыскыт тыаһын бэлэхтээҥ диэн ыҥырабыт.